Միջազգային տնտեսական համագործակցություն
ՀՀ էկոնոմիկայի նախարարությունը և «Ջի Սոֆթ» ընկերությունը ստորագրել են համագործակցության հուշագիր:
Հուշագրով նախատեսվում է ՀՀ էկոնոմիկայի նախարարության և նախարարությանը ենթակա մարմինների քաղաքացիական ծառայության պաշտոնների մրցույթների և թափուր աշխատատեղերի վերաբերյալ հայտարարությունները տարածել նաև job.am հարթակի և վերջինիս պատկանող սոցիալական ցանցերի միջոցով։ Նպատակը՝ թափուր աշխատատեղերի վերաբերյալ նախարարության հայտարարությունները հասարակության լայն շրջանակներին առավել հասանելի դարձնելն է:
Ակնկալվում է, որ այս փոխգործակցությունը կնպաստի հանրության իրազեկվածության բարձրացմանը, ինչի արդյունքում կավելանա հայտարարված մրցույթների մասնակիցների թիվը և նախարարության կադրերի շտեմարանը կհամալրվի նոր որակյալ մասնագետներով։
