Ծրագրի տևողությունը.
Սկիզբը` 2019թ.-ի օգոստոս:
Ավարտը` 2020 թ.մայիս, հնարավոր երկարաձգմամբ:
Դիմումների վերջնաժամկետը՝ 02.08.2019թ.:

ՀՀ էկոնոմիկայի նախարարության գյուղատնտեսության ծրագրերի իրականացման վարչությունը Համաշխարհային բանկի աջակցությամբ իրականացնում է «Գյուղատնտեսության ոլորտում քաղաքականության մոնիտորինգի և գնահատման կարողությունների զարգացման» ծրագիրը:

Ծրագրի իրականացման աշխատանքների համար հայտարարվում է ծրագրի ազգային քարտուղարի մրցույթ՝ աջակցելու ծրագրի իրականացմանը և աջակցելու ծրագրի ազգային ղեկավարին ապահովել գործընթացների սահուն ընթացքը:

Ծրագրի ազգային քարտուղարի պարտականություններն են․

1. Աջակցել ծրագրի ազգային ղեկավարին իր պարտականությունների կատարմանը, ներառյալ բյուջեի նախագծումը, ֆինանսական հսկողությունն ու հաշվառումը։

2. Կառավարել ծրագրի գրասենյակը և աշխատանքների պատշաճ ապահովումը։

3. Աջակցել մասնագետներին հանդիպումների և թարգմանությունների կազմակերպման գործընթացում։

4. Հանդիպումների ընթացքում ապահովել թարգմանություն, երբ մասնագիտական թարգմանություն առկա չէ։

5. Աջակցել ծրագրային միջոցառումների պլանավորմանը, իրականացմանը և տեղեկատվության տարածմանը։

6. Աջակցել Ծրագրի ղեկավար կոմիտեի հանդիպումների և այլ հանդիպումների նախապատրաստմանը, արձանագրությունների և շրջաբերականների կազմմանը։

7. Ծրագրի ազգային ղեկավարի հանձնարարությամբ՝ կատարել Ծրագրի իրականացմանը վերաբերող այլ պարտականություններ:

Տեխնիկական առաջադրանքին (Լիազորությունների շրջանակին) մանրամասն կարելի է ծանոթանալ հետևյալ հղումով՝ https://bit.ly/2y4W8Fz

Պահանջվող որակավորումները.

1. Գյուղատնտեսության, տնտեսագիտության, հանրային կառավարան կամ հարակից այլ ոլորտներում բարձրագույն կրթություն։

2. Անգլերենի և հայերենի գերազանց իմացություն։

3. Հաղորդակցման և կազմակերպչական լավ հմտություններ, այդ թվում՝ տարբեր երկրներից փորձագետների հետ աշխատելու ունակություն։

4. ՀՀ պետական կառույցների և ընթացակարգերի լավ իմացություն, պետական կառույցներում կամ կառույցների հետ առնվազն 1 տարվա աշխատանքային փորձ։

Ցանկալի որակավորում՝ միջազգային կազմակերպությունների կողմից ֆինանսավորվող ծրագրերի աշխատանքային փորձ, հանրային կառավարման բնագավառում աշխատանքային փորձ:

Լրացուցիչ տեղեկություններ կարող են ձեռք բերվել ստորև նշված հասցեում, աշխատանքային օրերին, ժամը 10:00-ից մինչև 17:00:
Հետաքրքրվածության հայտերը պետք է ներկայացվեն մինչև 2019թ. օգոստոսի 2-ը, ժամը 17:00-ը ստորև նշված հասցեով՝ Երևան, Մամիկոնյանց փող. 39Ա, 2-րդ հարկ, Էլփոստ՝ atovmasyan@agridf.am։