Միջազգային տնտեսական համագործակցություն
Քննարկվել է ներդրումային էլեկտրոնային պորտալ ստեղծելու նախագիծը
30 Նոյեմբեր, 2016
Նոյեմբերի 30-ին ՀՀ տնտեսական զարգացման և ներդրումների նախարարի տեղակալ Տիգրան Խաչատրյանը հանդիպել է ԵԱՀԿ երևանյան գրասենյակի ղեկավար Արգո Ավակովի հետ:
Հանդիպման ընթացքում քննարկվել է ներդրումային գործընթացների առցանց հրապարակման և դյուրացման նախագիծը: Այս նախագծով առաջարկվում է գործարկել Ներդրումների էլեկտրոնային պորտալ, որը կհեշտացնի տեղական և օտարերկրյա ներդրողների համար նախատեսված ընթացակարգերը:
ԵԱՀԿ ներկայացուցիչները բարձր են գնահատել էլ. կառավարման ոլորտում ՀՀ գերատեսչությունների առաջադիմությունը և նշել, որ ծրագիրը կարևոր է այս համատեքստում: Նախագիծը ֆինանսավորվելու է Եվրոպայի անվտանգության և համագործակցության կազմակերպության կողմից:
Նախարարի տեղակալ Տիգրան Խաչատրյանի հետ քննարկվել են երկկողմ հետարքրություն ներկայացնող այլ հարցեր ևս:
