Միջազգային տնտեսական համագործակցություն
Դեկտեմբերի 22-ին ՀՀ տնտեսական զարգացման և ներդրումների նախարարությունում տեղի է ունեցել խորհրդակցություն` Հայաստանի Հանրապետության և Իրանի Իսլամական Հանրապետության սահմանակից տարածքում ազատ տնտեսական գոտու հիմնման ու Հայաստանի Հանրապետությունից Իրանի Իսլամական Հանրապետություն հայկական արտադրանքի արտահանման խթանման հարցերը համակարգող աշխատանքային խմբի անդամների մասնակցությամբ:
Խորհրդակցությունն անցկացրել է աշխատանքային խմբի ղեկավար, ՀՀ տնտեսական զարգացման և ներդրումների նախարարի տեղակալ Հովհաննես Ազիզյանը:
Հանդիպման ընթացքում քննարկվել են հարցեր` հայկական արտադրանքի դեպի Իրան արտահանման գործընթացի պարզեցման, առկա խոչընդոտների վերացման և այդ ուղղությամբ իրականացված աշխատանքների վերաբերյալ: Անդրադարձ է կատարվել հայ-իրանական տնտեսական համագործակցության ընդլայնման և իրանական շուկայում հայկական արտադրանքի ներկայացման հնարավորություններին:
Քննարկվել է նաև Իրանի Իսլամական Հանրապետության հետ սահմանակից տարածքում ազատ տնտեսական գոտի հիմնելու հարցը:
Հանդիպման մասնակիցներին ներկայացվել է շնորհանդես` «Սյունիքի մարզում ազատ տնտեսական գոտու հիմնման ծրագիրը» թեմայով:
