ՀՀ տնտեսական զարգացման և ներդրումների նախարար Սուրեն Կարայանը փետրվարի 13-ին հանդիպել է «Օքսֆամ» միջազգային բարեգործական կազմակերպության հայաստանյան գրասենյակի տնօրեն Մարգարիտա Հակոբյանի և «Օքսիջեն» գյուղատնտեսական ձեռնարկություննների զարգացման ծրագրի ղեկավար Արթուր Գոմկցյանի հետ։

Նախարարին է ներկայացվել երկու կազմակերպությունների գործունեությունը, որն ուղղված է գյուղական համայնքներում տարատեսակ զարգացման ծրագրերի իրականացմանը։

Նախարար Սուրեն Կարայանը Մարգարիտա Հակոբյանի և Արթուր Գոմկցյանի հետ քննարկել է նախարարության և կազմակերպությունների համագործակցության հեռանկարը, մասնավորապես՝ աջակցությունը մանր ֆերմերային տնտեսություններին հատկապես Տավուշի և Վայոց Ձորի մարզերում։

Կողմերը քննարկել են պետության օժանդակության գործիքակազմի և գյուղատնտեսական սպառողական կոոպերատիվների կարիքների համադրումը։

Նախարարը, կարևորելով գյուղացիական տնտեսությունների զարգացումը և գյուղաբնակ համայնքներում զբաղվածությունը, առաջարկել է պարբերական հանդիպումների միջոցով նախագծել այնպիսի քայլեր, որոնք կխթանեն այդ կոոպերատիվների արտադրանքի ծավալի մեծացումն և գործունեության կայունությունը: