Տեղեկացնում ենք, որ Սևծովյան ավազանի երկրների անդրսահմանային համագործակցության 2014-2020թթ. ծրագրային առաջարկների ներկայացման առաջին փուլը մեկնարկել է 2017թ.-ի հունվարի 31-ին, ժամը 14:00, իսկ դիմումների ներկայացման վերջնաժամկետն է 2017թ.-ի մայիսի 31-ը:

Ծրագրային առաջարկների ներկայացման մեկնարկը բաց է Ծրագրի բոլոր թեմատիկ նպատակների և առաջնահերթությունների համար.

Նպատակ 1. Խթանել գործարարությունը և ձեռներեցությունը Սևծովյան ավազանում

Առաջնահերթություն 1․1 - համատեղ խթանել գործարարությունը և ձեռնարկատիրական գործունեությունը՝ զբոսաշրջության և մշակույթի ոլորտներում

Առաջնահերթություն 1․2 - բարձրացնել անդրսահմանային առևտրի հնարավորություններն ու արդիականացումը գյուղատնտեսության և հարակից ոլորտներում:

Նպատակ 2. Խթանել Սևծովյան ավազանում շրջակա միջավայրի պաշտպանության համակարգումը և ծովային աղբի արտանետման համատեղ կրճատումը.

Առաջնահերթություն 2․1 - Բարելավել շրջակա միջավայրի համատեղ դիտանցումը (մոնիտորինգ),

Առաջնահերթություն 2․2 - Խթանել ընդհանուր հանրային իրազեկումը և գետերի ու ծովային աղբի նվազեցմանն ուղղված համատեղ գործողությունները:

Ծրագրային առաջարկների ներկայացման առաջին փուլում Ծրագրի երկու թեմատիկ նպատակների իրականացման համար ԵՀԳ ընդհանուր բյուջեն կազմում է 19,655,625.60 եվրո: ԵՀԳ ներքո տրամադրվող դրամաշնորհը կկազմի ծրագրի ծախսերի 92%-ը (յուրաքանչյուր առաջատար և ծրագրի գործընկերոջ համար):

Ազգային համաֆինանսավորումը պետք է կազմի ծրագրի ծախսերի առնվազն 8%-ը, հաշվարկված յուրաքանչյուր առաջատար և ծրագրի գործընկերոջ բյուջեին համապատասխան: Ծրագրային առաջարկների իրականացման համար տրամադրված ցանկացած դրամաշնորհ պետք է լինի հետևյալ նվազագույն և առավելագույն շեմում.

Ծրագրային առաջարկների ներկայացման նպատակով դիմորդների համար նախատեսված ԵՀԳ Սևծովյան ավազանի երկրների անդրսահմանային համագործակցության 2014-2020թթ. Համատեղ գործառնական ծրագրի ընդհանուր փաթեթը հասանելի է Ծրագրի պաշտոնական կայքում – http://blacksea-cbc.net/black-sea-basin-2014-2020/calls-for-proposals/Դիմորդները պետք է լրացնեն և ներկայացնեն հայտադիմումները էլեկտրոնային եղանակով` Ծրագրի էլեկտրոնային մոնիտորինգի համակարգի միջոցով (e-MS) – http://ems-bs.mdrap.ro

Դիմումների ներկայացման ժամանակացույց

Ծրագրի քարտուղարության կողմից ցանկացած պարզաբանում ստանալու վերջնաժամկետն է 2017թ.-ի մայիսի 17-ը:

Ծրագրի քարտուղարության կողմից պարզաբանումների ներկայացման վերջնաժամկետն է 2017թ.-ի մայիսի 24-ը:

Դիմումների ներկայացման վերջնաժամկետն է 2017թ.-ի մայիսի 31-ը, ժամը 24.00:

Պարզաբանումներ ստանալու նպատակով նամակները պետք է ուղարկել հետևյալ էլեկտրոնային հասցեին - office@bsb.adrse.ro

Լրացուցիչ տեղեկատվություն ստանալու համար կարող եք դիմել ՀՀ տնտեսական զարգացման և ներդրումների նախարարության ԵՄ և ԱՀԿ վարչության ԵՄ ծրագրերի կառավարման բաժին (հեռ. 011-597-179):